mércores, 1 de agosto de 2012

ÁLVARO CUNQUEIRO E A FESTA DO ALBARIÑO

Fai uns meses poidose ver na Cultural de Cambados unha exposición sobre Álvaro Cunqueiro e a Festa do Albariño. Reproducimos aquí varias das fotos que aparecían e que remarcan o apoio que o escritor dou á festa. Por que non se lle dedica a el unha estatua?.

Aconsellamos tamén ler o artigo que publica o blog de A TI MEU CAMBADOS sobre as orixes da nosa festa escrito por Manuel Joaquín Abalo Ozores.


 O escritor Álvaro Cunqueiro do que se conmemorou o ano pasado o centenario do nacemento ten fondas raíces en Cambados e na Arousa. En Cambados naceu seu pai Joaquín Cunqueiro, fillo á súa vez do avogado Carlos Cunqueiro e Mariño de Lobeira e de Carmen Montenegro da Povoa do Caramiñal. Por esta pola da familia Álvaro era curmán de Valle-Inclán. Lembraba ben Cunqueiro as súas estadías en Cambados cos seus avós. Na foto superior aparece o pai do escritor e o seu fillo sendo neno.





Cunqueiro asístía con frecuencia á festa do Albariño, da que foi pregoeiro en 1959 



Recoñecemos na foto a Cunqueiro (de pé) e a Fraga, o alcalde Joaquín Fole e Filgueira Valverde, sentados.




Nesta foto aparece xunto ao Notario Oficial da festa, Alberto Casal, Mª Vitoria Fernández España, o alcalde Andrés Iglesias, José María Castroviejo e Antonio Magariños.



Outros intelectuais galegos participaron tamén en outras edicións:

Ramón Cabanillas en 1958

 

Celso Emilio e Otero Pedrayo que foi pregoeiro en 1964



Celso Emilio Ferreiro e Plácido Castro

Nas orixes da festa, documentadas ben polo artigo de Manuel Abalo están personaxes cambadeses coma Bernardino Quintanilla ou Ernesto Zárate:


Quintanilla, Zárate e outros na horta de Botana






Cata no paseo de Calzada, na esquina esquerda vese a Cunqueiro



A comitiva saíndo do Concello



Pizarra en primeiro plano no que se anotaban as puntuacións



Xantar na finca de Bazán, sede oficial despois de utilizarse a horta de Botana e o Pazo de Ulloa

Quizais pudestes comprobar como a festa en épocas pasadas era máis unha festa cultural á que asistían intelectuais relevantes, ben lonxe do que é hoxe: gran festa-espectáculo ou macro-botellón oficial que din algúns, onde prima a cantidade sobre a calidade e na que se ven máis personaxes da política, especialmente dun partido político, que da cultura.

Ningún comentario:

Publicar un comentario